Доналд Трамп COVID-19 чекловларини кучайтиришга қарши

Доналд Трампнинг айтишича, Қўшма Штатлардаги амалдаги ҳукумат олимларга ишонмайди, чунки улар карантин чекловларини бунга эҳтиёж қолмаганда киритадилар.

АҚШнинг собиқ президенти Доналд Трамп болаларга ҳам нисбатан қўлланиладиган қатъий чекловларга қарши чиқди. Бу унинг сешанба куни эълон қилинган баёнотида айтилган.

«Джо Байден (АҚШнинг амалдаги президенти) ва унинг маъмурияти ўтган йилдан бери ҳеч қандай сабоқ олмаган. Жасур америкаликлар [вирус тарқалиши] билан яшашни ва курашишни хавфсиз ва масъулиятли тарзда ўргандилар», деди Трамп.

«Биз тескари ёъналишда ҳаракат қилмаймиз. Биз болаларимизга ниқоб киймаймиз», деди у АҚШ аҳолисини «таслим бўлмасликка» чақирди. Шу билан бирга, у ҳозирги Америка раҳбарияти олимларга ишонмаслигини таъкидлади.

Сешанба куни эрталаб АҚШнинг Касалликларни назорат қилиш ва олдини олиш федерал маркази (СDC) раҳбари Рочелле Валенский мамлакат ҳукумати ковидга қарши эмланганлар учун ниқоб кийиш бўйича кўрсатмаларни кучайтирганини айтди. Хусусан, CDC, тўлиқ вакциналанган одамларга ҳам, делта вариантининг юқишини олдини олиш ва бошқаларни ҳимоя қилиш учун жамоат жойларида ёпиқ маскаларни кийишни тавсия қилди. Тавсиялар ўқитувчиларга, бошқа мактаб ходимларига ва ўқувчиларга, улар эмланганидан қатъи назар, тегишли.