Францияда 40 000 киши COVID сертификатларига қарши намойишга чиқди

22-январ, шанба куни Франциянинг барча шаҳарларида норозилик намойишлари бўлиб ўтди. 38 минг намойишчи COVID-сертификатларига қарши чиқди.

Бундай маълумотларни мамлакат Ички ишлар вазирлиги эълон қилди, деб ёзади AFP агентлиги.

Расмийларнинг хабар беришича, 170 га яқин намойишлар бўлиб ўтган. Шу билан бирга, уларнинг энг каттаси Парижда бўлиб ўтди. Франция пойтахти кўчаларига 5,2 минг киши чиқди.

Париждан ташқарида Марселда энг йирик норозилик намойишларидан бири ташкил этилди — унга мингга яқин одам йиғилди.

Таъкидланганидек, намойишларнинг аксарияти тинч ўтган. Фақат жанубдаги шаҳарлардан бирида расмийларнинг хабар беришича, 200 дан ортиқ одам юриш пайтида ҳукмрон Республика партияси офисига келиб, ўз олдига чиққан депутатни уриб юборган.