Грузия COVID-паспортларини самарасизлиги сабабли бекор қилди

Грузияда Коронавирусга қарши кураш бўйича мувофиқлаштирувчи кенгаш қарори билан фуқароларга эмланганидан кейин бериладиган “яшил” COVID-паспортлари бекор қилинди.

«Омикрон коронавирус штаммининг оммавий тарқалишининг янги шароитида яшил паспортлар асл мақсадини йуқотди. Янги штамм эмланганларни ҳам, касал бўлганларни ҳам юқтиради, шунинг учун ҳам шундай қарор қабул қилинди», — деди депутат, Грузия соғлиқни сақлаш вазири Тамара Габуниа сешанба куни бўлиб ўтган брифингда маълум қилди .

Унинг таъкидлашича, “яшил” паспортлар жорий этилишининг сабабларидан бири фуқароларни эмлашга ундаш бўлган, бироқ “бу чора эмланганлар сонининг кўпайишига туртки бўлмаган”. Соғлиқни сақлаш вазирлиги маълумотларига кўра, Грузиядаги фуқароларнинг 42% шу кунгача эмланган.

Грузияда “яшил” паспортлар ўтган йилнинг 1 декабридан жорий қилинган эди. Мазкур ҳужжатлар ёрдамида 18 ёшдан ошган фуқаролар, хусусан, умумий овқатланиш шохобчалари, маданий ва спорт тадбирлари, фитнес клублари, меҳмонхоналар, тоғ курортларига ташриф буюришлари мумкин эди.