Қўшма Штатларда Pfizer экспериментал COVID-19 вирусга қарши таблеткаларини синовдан ўтказди.
Синовлар эрта тугатилди, чунки препарат яхши самарадорликни кўрсатди, деб ёзади The Guardian.
5-ноябр, жума куни компания вакиллари: “Дори оғир касалликка чалиниш хавфи бўлган катталар учун касалхонага ётқизиш ва ўлим эҳтимолини 89% га камайтиради.
Қайд этилишича, Pfizer таблеткаларининг самарадорлиги Merck компаниясининг Молнупиравир препаратини қабул қилганидан кейинги натижалардан ҳам юқори.
Нашрнинг таъкидлашича, тўлиқ тест маълумотлари ҳали ҳеч бир компанияда мавжуд эмас.
Reuters хабарига кўра, Pfizer ўз таблеткалари учун оралиқ синов натижаларини АҚШ озиқ-овқат ва фармацевтика идорасига тақдим этишни режалаштираётганини айтди. Улар эски вирусга қарши препарат Ритонавир билан биргаликда қўлланилади.