ZF-UZ-VAC2001 коронавирус инфекциясига қарши Ўзбекистон-Хитой вакцинаси Колумбияда фавқулодда фойдаланиш учун тасдиқланган.
Бу ҳақда Инновациялар вазирлиги хабар бермоқда.
Эндиликда вакцина оммавий эмлаш учун, шунингдек, Ўзбекистон, Хитой ва Индонезияда кучайтирувчи вакцина сифатида қўлланилади. Ҳозирча ZF-UZ-VAC2001 фақат Хитой ва Ўзбекистонда ишлаб чиқарилади, бироқ яқин келажакда саноат майдончаси тайёрланаётган Индонезияда уни ишлаб чиқариш йулга қўйилади.
Генотиплаш таҳлили шуни кўрсатдики, ZF-UZ-VAC2001 вакцинаси коронавируснинг Alpha вариантига қарши 92,68% ва Delta-га қарши 81,38% самарали.
Шу билан бирга, ўзбекистонлик олимлар ZF-UZ-VAC2001 нинг кучайтирувчи дозаси “омикрон”дан 100% ҳимоя қилишини таъкиладилар.