Давлат статистика қўмитаси маълумотларига кўра, Ўзбекистон узум экспорт қиладиган давлатлар рўйхатида Россия Федерацияси етакчилик қилмоқда.
Ўтган 9 ойда у ерга 58,1 минг тонна ўзбек узуми етказиб берилди.
Давлат статистика қўмитасининг хабар беришича, Қозоғистон 44,1 минг тонна харид қилган иккинчи йирик импортчи бўлди. Қирғизистонга 15,3 минг тонна, Хитойга 6,5 минг тонна, Туркияга 3 минг тонна жўнатилди.
Саудия Арабистони 2,3 минг тонна, Украина 2,2 минг тонна, Беларус 1,7 минг тонна узум сотиб олди.
Маҳаллий узум импорт қилувчи 10 таликка, шунингдек, Ироқ – 1,3 минг тонна, Озарбайжон – 912,6 тонна ва Германия – 807 тонна кирди. Бу йил жами 43 та хорижий давлат узум харид қилди.
2021-йилнинг январ-июн ойларида республикада 45 минг 497 тонна узум етиштирилди. Январ-сентябр ойларида Ўзбекистон 105,2 миллион долларлик 140 минг тоннага яқин узум экспорт қилди.
Шунингдек, Давлат статистика қўмитаси сентабр ойида узум нархи август ойига нисбатан ўртача 9,3% га арзонлашганини таъкидлади.