Бирлашган Араб Амирликларидан бўлган «Jetex» компанияси Ўзбекистон транспорт вазирининг ўринбосари томонидан ўтказилган видеоконференцияда VIP ва CIP мижозларига хизмат кўрсатиш соҳасидаги давлат-хусусий шериклик инвестицион лойиҳасида иштирок этиш ниятини билдирди.
Ўзбекистон Республикаси транспорт вазирининг ўринбосари Жасурбек Чориев Ислом Каримов Тошкент халқаро аеропортида FBO (собит базавий оператор) шаклида давлат-хусусий шериклик асосида VIP ва CIP мижозларига хизмат кўрсатишни ташкил этиш бўйича инвестиция лойиҳасини амалга оширишга хорижий компаниянинг қизиқиши тўғрисидаги хабарни диққат билан тинглади.
Тошкент халқаро аеропорти инфратузилмасини янада ривожлантириш мақсадида компания ўз ҳисобидан янги махсус терминал ва йуловчилар ва бизнес авиатсияси учун ангар қуришни режалаштирмоқда.
Компания вакиллари йуловчиларга юқори даражада хизмат кўрсатишни таъминлайдиган ушбу лойиҳани муваффақиятли амалга ошириш Тошкент халқаро аеропортининг обрўси ва жозибадорлигини оширади. “Jetex”, 2005 йилда ташкил этилган бўлиб, 5 қитъадаги 30 та бизнес уюшмаларнинг глобал тармоғидир. “Jetex” шунингдек HondaJet компаниясининг Яқин Шарқ, Туркия ва Покистондаги расмий дилери ҳисобланади.
ФБО (собит базавий оператор) — аеропортларда самолётлар ва йуловчиларга комплекс хизматлар, хусусан, ёқилғи қуйиш, тўхташ жойи, техник хизмат кўрсатиш ва таъмирлаш, самолётларни ижарага бериш, чартер савдоси, таксилар ва бошқалар.
Учрашув давомида транспорт вазирининг ўринбосари Жасурбек Чориев мамлакатда хусусий авиакомпанияларни Ўзбекистон авиатсия бозорига жалб қилиш, соҳада соғлом рақобат муҳитини яратиш ва шу орқали турли тоифадаги йуловчиларга янада қулайроқ хизмат кўрсатиш борасида амалий ишлар олиб борилаётганини таъкидлади. Кенгайтирилган йиғилишда лойиҳанинг техник ва иқтисодий жиҳатларини батафсил муҳокама қилишга қарор қилинди.