Бангладешдан келган ишчиларга Меҳнат вазирлиги рухсат бермаган

Бандлик ва меҳнат муносабатлари вазирлиги Бангладешдан келган ишчиларга Ўзбекистонда ишлаш тақиқланганлигини маълум қилди.

Эслатиб ўтамиз! 888 Бангладеш фуқароси Қашқадарё вилоятида GTL заводи қурилишида қатнашгани маълум бўлди.

Меҳнат вазирлиги Президентнинг 2009 йил 15 октябрдаги фармонига биноан «Ўзбекнефтгаз» ва «Uzbekistan GTL» компаниялари ҳақиқатан ҳам чет эллик мутахассисларни жалб қилишлари мумкинлиги ҳақида хабар беришди.

Шунингдек, ҳукуматнинг 2019 йил 25 мартдаги қарорига биноан чет эл фуқаролари Ўзбекистонда ишлаш ҳуқуқи учун рухсат олишлари шарт. Ушбу ҳужжат учун иш берувчи Ташқи меҳнат миграцияси агентлигига мурожаат қилиши керак.

Бугунги кунга қадар на «Ўзбекнефтгаз» АЖ, на «Uzbekistan GTL» ва на лойиҳанинг бош пудратчиси («ENTER Engineering» компанияси) тегишли тасдиқни олиш учун Агентликка мурожаат қилмаганлар, дея таъкидлади Меҳнат вазирлиги.

Ўз навбатида, вазирлик «Ўзбекнефтегаз», «ENTER Engineering» ва Ташқи ишлар вазирлигига иш учун ёлланган Бангладеш фуқаролари тўғрисида маълумот олиш учун сўров юборди.

Аввалроқ биринчи 239 Бангладешлик самолёт Ўзбекистонга этиб келгани ҳақида хабар берилган эди. Бангладеш фуқаролари Ғузор туманидаги GTL суюқ ёқилғи заводига ёлланаётгани ҳақида ҳам хабар берилган эди. Аввалроқ, шу йилнинг сентябр ойида ушбу завод ишчилари иш ҳақи тўланмагани ва ўз вақтида овқатланмаганлиги сабабли тартибсизликлар уюштиришган.