Россия Ташқи ишлар вазирлиги раҳбарининг ўринбосари SWIFT тўловларига муқобил тизимни ишга тушириш имкониятини эълон қилди.
Журналистларнинг саволларига жавобан Александр Панкин шундай деди: «Рақамли валюталар ва блокчейннинг жадал ривожланишини ҳисобга олган ҳолда, халқаро ҳисоб-китоблар учун асос бутунлай янги технологик асосда шаклланиши мумкин».
Панкин, шунингдек, бундай тизимнинг пайдо бўлиши нафақат ҳозирги геосиёсий муҳитга жавоб бўлиши, балки рақамли соҳадаги ютуқларни ҳисобга олган ҳолда тўлов усулларини модернизация қилиш зарурлигига ҳам жавоб бўлишини қўшимча қилди. Унинг таъкидлашича, янги тизимлар ўз соҳасида монополияни талаб қилмайди, шу билан бирга улар SWIFTга қараганда анча ривожланган бўлади.
Аввалроқ, Россия президенти матбуот котиби Дмитрий Песков АҚШ Москвага босим ўтказиш мақсадида энг оғир санкцияларга, шу жумладан SWIFT-дан узилишга ўтишини истисно қилмаган эди.
Россияга бундай санкцияларни узайтириш имконияти ўтган йилнинг охирида яна муҳокама қилинган эди. Бундан ташқари, АҚШнинг амалдаги президенти жамоасидаги манбаларнинг таъкидлашича, бундай чора АҚШ молия вазирлиги, Давлат департаменти, Савдо вазирлиги ва бир қатор давлат идораларига таъсир кўрсатган хакерлик ҳужумига жавоб бўлади.
SWIFT — банклар ўртасида маълумот узатиш ва тўловларни амалга оширишнинг халқаро тизими. Унга 200 мамлакатда 11 мингдан ортиқ йирик ташкилотлар уланган. Россия тизимнинг энг фаол иштирокчиларидан биридир.
