12 май куни Тошкентда Ўзбекистон-Афғонистон-Покистон темир йўл линияси қурилишини мувофиқлаштиришга масъул бўлган лойиҳа офисининг расмий очилиш маросими бўлиб ўтди.
Очилиш маросимида Президентнинг Афғонистон бўйича махсус вакили Исматулла Иргашев, транспорт вазири Илҳом Маҳкамов, Покистон ва Афғонистон елчилари, шунингдек, Афғонистон темир йўллари бошқармаси раиси Бахт Раҳмон Шарафат иштирок этди.
«Ўзбекистон темир йўллари» акциядорлик жамияти матбуот хизмати хабарига кўра, лойиҳа офисининг мақсади техник-иқтисодий асослашни ишлаб чиқиш ва лойиҳани амалий амалга оширишни жадаллаштириш бўйича қўшма чора-тадбирларни мувофиқлаштиришдан иборат. Барча иштирокчилар лойиҳа офисининг ўз вақтида очилиши томонларнинг лойиҳани амалий амалга оширишни тезлаштириш бўйича ҳаракатларини мунтазамдан доимийга айлантиришини таъкидладилар.
Президентнинг Афғонистон бўйича махсус вакили Исматулла Иргашев табрик сўзи билан чиқди.
У 2018-йилдан буён Президентимиз ташаббуси билан изчил самарали ишлар амалга оширилаётгани, лойиҳа офисининг очилиши томонларнинг лойиҳани амалга оширишни жадаллаштириш борасидаги ҳаракатларининг навбатдаги босқичи эканини таъкидлади.
«Лойиҳа қурилишини мувофиқлаштириш учун бевосита Тошкентда лойиҳа офисининг ўз вақтида очилиши Марказий Осиё давлатларини Покистон бозорининг 230 миллион аҳолисига яқинлаштиради, шунингдек, муқобил рақобатбардош йўллар бўйлаб Арабистон денгиз ҳавзаси давлатлари билан ўзаро савдо имкониятларини очади. Лойиҳанинг амалга оширилиши ҳудудларни янада юқори ривожланиш даражасига олиб чиқади, шунингдек, умумий тарихни ҳурмат қиладиган халқлар муносабатларини жонлантиради», — деди Покистон элчиси.
Ўзбекистон Республикаси пойтахтида «Ўзбекистон-Афғонистон-Покистон» темир йўли қурилишини мувофиқлаштириш бўйича лойиҳа бюроси очилди.
Шунингдек, 11-12 май кунлари Ўзбекистон-Афғонистон-Покистон темир йўл линияси қурилиши лойиҳасини янада илгари суриш бўйича навбатдаги уч томонлама музокаралар ўтказилгани, унда томонлар лойиҳани амалга оширишни жадаллаштиришга доир масалаларни муҳокама қилгани маълум бўлди.
«Тошкентда лойиҳа офисининг очилиши томонлар мутахассисларининг бевосита шахсан ўзи ишини янада самарали ташкил этиш имконини беради ва лойиҳани амалга ошириш жараёнида миллионлаб тонна табиий ресурслар ва бошқа юкларни Россия ва Марказий Осиёдан Жанубий Осиё мамлакатларига ташиш мумкин бўлади. «, — деди Афғонистон темир йўл бошқармаси раиси Бахт Раҳмон Шарафат.
«Ўзбекистон темир йўллари» акциядорлик жамияти хабарига кўра, у Афғонистон иқтисодиётининг реал секторини ривожлантиришга афғон томонидан кўра кўпроқ ғамхўрлик қилаётган Ўзбекистон томонига миннатдорлик билдирди.