Инвестициялар, саноат ва савдо вазирлиги вакиллари Жстга аъзо бўлиш бўйича олиб борилган музокаралар натижасида Европа Иттифоқининг умумий имтиёзлар тизими (GSP+) бенефициари мақомини олганини маълум қилди.
Бу ўзбекистонлик ишлаб чиқарувчиларга мато, кийим-кечак ва пластмасса буюмлари каби 6200 дан ортиқ турдаги маҳсулотларни Европа бозорларига экспорт қилиш имконини берди.
Келгусида Европа Иттифоқи мамлакатларига экспорт ҳажмини, жумладан, тайёр кийим-кечак, трикотаж, мева-сабзавот, чарм, поябзал ва бошқа тайёр маҳсулотлар экспортини 3 миллиард долларгача ошириш режалаштирилган.
Ўзбекистон аккредитация маркази Халқаро лаборатория аккредитацияси ташкилоти (ILAC), шунингдек, Халқаро аккредитация форуми (IAF)нинг тўлиқ аъзоси сифатида қабул қилинди.
Агар бу имкониятлардан самарали фойдаланилса, Европа Иттифоқи мамлакатларига экспорт ҳажмини кескин ошириш, халқаро миқёсда тан олинган стандартлар ва сертификатларга эга бўлган корхоналар сони 1400 тага кўпайиши,республикада ишлаб чиқарилган маҳсулотлар Европа Иттифоқи мамлакатлари талаблари ва стандартларига мувофиқ сертификатлаштириш баҳолаш органларининг самарадорлигини ошириш, ишлаб чиқаришни мослаштиришни тезлаштириш мумкин.
Фото: Инвестициялар, саноат ва савдо вазирлиги Ўзбекистон Европа Иттифоқининг Умумий имтиёзлар тизимининг бенефициари мақомини олгани ҳамда Халқаро лаборатория аккредитацияси ташкилоти ва IAFга аъзо бўлганини маълум қилди.
Йил охиригача Ўзбекистоннинг Европа Иттифоқи мамлакатларига экспорти ҳажми 800 миллион долларга етиши, бу ўтган йилга нисбатан икки баравар кўп бўлиши башорат қилинмоқда.
Экспортни қўллаб-қувватлаш агентлиги маҳаллий экспорт қилувчи ташкилотларнинг 441,8 миллион долларлик экспорт шартномалари тузилган халқаро кўргазма ва ярмаркаларда иштирок этишини молиявий ва ташкилий жиҳатдан қўллаб-қувватламоқда.