Давлат статистика қўмитаси маълумотларига кўра, Ўзбекистон Республикасининг МДҲ давлатлари билан ташқи савдо айланмаси 2022-йилнинг биринчи ярмида 8 744,8 миллион АҚШ долларини ташкил этди. Шундан экспорт ҳажми 3261,1 миллион АҚШ долларини, импорт ҳажми эса 5483,7 миллион АҚШ долларини ташкил этди.
МДҲ давлатлари билан ташқи савдо айланмасининг энг катта ҳажми Россия Федерацияси (46,5%), Қозоғистон (24,1%) ва Қирғизистон (6,7%) мамлакатларига тўғри келди.
Таҳлиллар шуни кўрсатадики, мамлакатимиздан экспорт ҳажми МДҲнинг бешта давлати – Қирғизистон, Тожикистон, Озарбайжон, Молдова ва Арманистонга импорт ҳажмидан кўп.
Хусусан, олти ой давомида Ўзбекистон Қирғизистонга 483 миллион долларлик маҳсулот экспорт қилди, қўшни давлатдан импорт эса 106,2 миллион долларни ташкил этди.
Тожикистон учун бу рақамлар мос равишда: 211 – 78,7 миллион доллар, Озарбайжон – 60,1 миллион – 23,6 миллион, Молдова – 9,2 миллион – 3,6 миллион, Арманистон – 8,4 миллион – 2,2 миллион доллар.
Расмий статистик маълумотларга кўра, 2022-йилнинг январ-июн ойлари натижаларига кўра, Россия Ўзбекистонга саноат товарлари – темир ва пўлат импортида асосий рол ўйнайди. Бу мамлакатдан 1 миллион 176 миллион доллар эвазига ушбу товарлар келтирилди.