2021 йилда уй-жой кредитлари, субсидиялар ва имтиёзларнинг янги турларини жорий этиш режалаштирилган.
Бу ҳақда Шавкат Мирзиёев раислигида уй-жой ва ипотека бозорини ривожлантириш чора-тадбирларига бағишланган видеоконференцияда маълум қилинди.
Маълумки, 2021 йилда аҳолини уй-жой билан таъминлаш дастури доирасида 11 триллион 500 миллиард сўм ажратилади.
«Бу йилдан бошлаб, ипотека кредитлаш учун танқислик ва молиявий ресурсларга чекловлар бўлмайди, агар ҳудудлар қўшимча таклифлар берса, улар ижобий ҳал этилади», деди давлат раҳбари.
Шунингдек, якка тартибдаги турар жой биноларини қуриш ёки реконструкция қилиш учун кредитлар олиш мумкин. Улар 20 йил муддатга тақдим этилади.
Кам таъминланган ўзбекистонликлар фоизларнинг бир қисмини қоплаш учун субсидиялардан фойдаланишлари мумкин. Молия вазирлигига ушбу мақсадлар учун 1,5 триллион сўм ажратиш топширилди. Туманлар шароитида бундай кўмак кўрсатиладиган оилалар сонини вилоят ҳокимлари белгилайди.
Шунингдек, давлат қурувчиларга ҳам, уй сотиб олувчиларга ҳам катта имтиёзлар беришни мўлжалламоқда. Бу йил ипотека кредитлари учун олти ойлик имтиёзли давр бошланади. Шаҳарларда дастлабки тўлов 20% дан 15% гача пасаяди.
2021 йилда 54 минг ўзбек оиласини уй-жой билан таъминлаш режалаштирилган.
Уй-жойларнинг квадрат метри нархи 4 миллион сўмгача туширилиши керак
Уй-жой шароитини яхшилашга муҳтож кам таъминланган оилаларга 10% ли дастлабки субсидия берилади. Шу билан бирга, харидорларга биринчи бадал миқдорининг атиги 5% ни тўлаш кифоя қилади.
sans-serif;">Кредитлар бўйича тўловлар Тошкент шаҳрида 12% дан ва бошқа вилоятларда 10% дан юқори бўлган қисмида ҳам субсидияланади.
Молия вазирлигига 1-июнгача ижтимоий мезонларга асосан субсидия олиш ҳуқуқига эга бўлган фуқаролар рўйхатини тузиш ва ушбу жараённи автоматлаштириш топширилди.