Жорий йилнинг январь-октябрь ойларида Ўзбекистон 51 хорижий давлатга 216,6 миллион Ақш доллари миқдорида 245,2 минг тонна узум экспорт қилди. Бу ҳақда Давлат статистика қўмитаси хабар бермоқда.
Узум экспорти ўтган йилнинг мос даврига нисбатан 41,6 минг тоннага ошди.
Ҳисоботда асосий истеъмолчи мамлакатлар номи келтирилган:
Россия – 140 минг тонна;
Қозоғистон – 48,8 минг тонна;
Қирғизистон – 16,7 минг тонна;
Хитой – 7,3 минг тонна;
Туркия – 5,9 минг тонна
БАА – 4,8 минг тонна;
Беларусия – 3,8 минг тонна;
Озарбайжон – 2,6 минг тонна
Ироқ – 2,2 минг тонна;
Эрон – 1,9 минг тонна.
Расмий маълумотлар таҳлили шуни кўрсатадики, Ўзбекистондан «қуёшли дасталар» килограмми ўртача 0,8 доллардан сотилмоқда.
Узум, жумладан, қуритилгани 40 фоиздан ортиқ улуш билан хорижлик истеъмолчиларга ўзбек сабзавот ва меваларини экспорт қилишда биринчи скрипка ролини ўйнайди.
Қишлоқ хўжалиги вазирлигининг мультимедиа марказига таяниб, аввалроқ хабар қилинганидек, 2022-йилда республикадаги мавжуд 181 минг гектар токзорларда (фермер хўжаликларида 129 минг гектар, 52 минг гектар майдонда 1,8 миллион тонна узум етиштириш режалаштирилган эди). 10-ноябр ҳолатига кўра, ҳосил 1,9 миллион тоннани (105 фоиз) ташкил этди.
Жорий йилда 256 минг тонна узум қуритилиб, ундан 64 минг тонна майиз олиниб, экспортга жўнатилди (ўтган йилга нисбатан 1,9 баробар кўп).
Экспорт географияси 11 та янги бозорга (Албания, Баҳрайн, Болгария, Бразилия, Венгрия, Италия, Марокаш, Македония, Словения, Сербия, Тунис, Испания) кенгайтирилди ва 51 давлатга етказиб берилди.
Хусусан, Россияга 138 минг тонна (+1,9 марта), Қозоғистонга 48,3 минг тонна (+36 фоиз), Туркияга 5,8 минг тонна (+1,6 марта), БААга 4,8 минг тонна (+1,7 марта) ва 22,4 минг тонна бошқа мамлакатларда.
2021-2024-йилларда 48 узумчилик ҳудудида 156 минг гектар янги узумзорлар барпо этилди.