«Ўзбекистон миллий электр тармоқлари» акциядорлик жамияти ва Афғонистоннинг DABS энергетика компанияси ўртасида 2023-йил учун электр энергияси етказиб бериш бўйича шартнома имзоланди.
Бу ҳақда DABS компанияси матбуот хизмати хабар берди.
«Афғон энергетика компанияси ва Ўзбекистон электр энергиясини сотиб олиш бўйича шартнома имзолади», — дейилади хабарда.
Ўзбекистон томонидан ҳужжатни «Ўзбекистон миллий электр тармоқлари» АЖ бошқаруви раиси Дадажон Исоқулов имзолади.
ТКГ хабарига кўра, яқинда Ўзбекистонга Сув ва энергетика вазирлиги раҳбари вазифасини бажарувчи Абдул-Латиф Мансур ташриф буюрган.
Унинг Bakhtar News нашрига айтишича, тўланиши керак бўлган қарз тахминан 35 миллион долларни ташкил этади.