Ўтган йили ҳукумат кўп сонли кичик активлар ва битта ўрта давлат корхонасини сотиб, хусусийлаштиришга киришди. Бироқ, давлат корхоналари ҳали ҳам умумий ишлаб чиқаришнинг ярмидан кўпини ташкил қилади ва иқтисодиётнинг асосий тармоқларида устунлик қилади. Бу ҳақда 2022-йилги маслаҳатлашувлар якуни бўйича мувофиқ якуний IV баёнотда айтилган.
Хорижий экспертлар башорат қилишларича, ҳозирги ноаниқлик шароитида хусусийлаштириш қийинроқ кечади. Бироқ, 2022-23-йилларда ҳукумат очиқ ва шаффоф электрон аукционлар орқали кичик активларни сотишни давом эттиради ва бир қатор ўрта давлат корхоналари ва бир қатор давлат банклари ва йирик корхоналар, шу жумладан энергетика, авиация ва телекоммуникация саноати соҳасидаги улушларни сотишни эълон қилади.
Корхоналар ва давлат улушидаги банкларни очиқ ва рақобатбардош тартиблар асосида сотишни тартибга солишга қаратилган «Хусусийлаштириш тўғрисида»ги янги қонуннинг қабул қилиниши хусусийлаштириш жараёнини тезлаштиришга хизмат қилади.
ХВЖ Ўзбекистондаги хусусийлаштиришга изоҳ берди
Давлат қўлида қолган корхоналар учун мулк ҳуқуқларини аниқ белгилаб берувчи янги давлат мулки қонунини қабул қилиш, шунингдек, корпоратив бошқарув ва давлат корхоналари молиявий ҳисоботини такомиллаштириш бўйича саъй-ҳаракатларни давом эттириш муҳим аҳамиятга эга бўлади. Давлат корхоналари ва давлат банклари кузатув кенгашларидаги професионал мустақил аъзолар сони кўпайган бўлса-да, мустақил аъзолар кузатув кенгашларида кўпчиликни ташкил этиши ва ушбу компанияларнинг бошқарув органларини мустаҳкамлашга кўмаклашиши учун уларнинг улуши барибир ортиб бориши керак.
Ҳужжатда, хусусан, давлат корхоналари учун давлат кафолатларининг бекор қилиниши ва давлат корхоналари томонидан йирик миқдорда қарз олишларини тасдиқлашнинг янги тартибларининг қабул қилиниши молиявий интизомни яхшилашга хизмат қилади, дейилади ҳужжатда.