Ўзбекистонда ишбилармонлик фаоллиги индекси март ойида ўртача ўсишни кўрсатди

Жорий йилнинг март ойида Иқтисодий тадқиқотлар ва ислоҳотлар маркази томонидан ҳисобланган ишбилармонлик фаоллиги индекси 1026 пунктни ташкил этди ва ўтган ойга нисбатан ўртача 2,6% га ўсди. Шунингдек, ўтган йилнинг шу даврига нисбатан ИДАда 16% дан ортиқ ўсиш кузатилмоқда.

2022-йил март ойида ишбилармонлик фаоллиги индекси қуйидаги таркибий қисмларнинг ўзгариши ҳисобига ўтган ойга нисбатан ўртача 2,6% га ўсди ва 1026 пунктни ташкил этди:

· хўжалик юритувчи субектларнинг банк ҳисобварақлари бўйича операциялар сони 0,9 фоизга ошган;

· фаолият кўрсатаётган хўжалик юритувчи субъектлар таркиби 2,7% га ошди;

· Товар-хом ашё биржасида хомашё харидлари жадаллиги 3,7% га ошди;

· брендлар компоненти 5,8% га ошди.

2022-йил март ойида 13 та ҳудудда ишбилармонлик фаоллиги индекси ўтган ойга (2022-йил феврал) нисбатан ўсди. Навоий (45,8% ), Жиззах (38,4% ), Бухоро (36,8%) ва Сирдарё (29,4%) вилоятларида сезиларли ўсиш кузатилди. Шу билан бирга, Қашқадарё вилоятида бу кўрсаткич ўтган ойга нисбатан 1,6 фоизга камайди.

Банк ҳисобварақлари билан операциялар

2022-йилнинг март ойида банклараро тўлов операциялари сони 5009,8 мингтани ташкил этди ва 2022-йил февралига нисбатан 45,2 мингтага (0,9% га) кўпайди.

2022-йил март ойида юридик шахслар ўртасида банк операциялари сони 5 та ҳудудда ўтган ойга нисбатан кўпайди. Хусусан, энг сезиларли ўсиш Тошкент шаҳрида (4,1%) кузатилди. 9 та ҳудуддан энг сезиларли пасайиш Тошкент (-8,7%) ва Бухоро (-7,8%) вилоятларида кузатилди.

Товар биржаси фаолияти

2022 йил март ойида ИДА нинг биржа компоненти 1,0369 ни ташкил этди. Бу ўтган ойга нисбатан компонент даражасининг 3,7% га ўсишини билдиради, бу битимлар сонининг 13,2% га ўсиши билан боғлиқ.

Республика товар-хом ашё биржасида 2022-йил март ойида умумий товар айланмаси 6887,5 млрд.сўмни ташкил этиб, ўтган ойга нисбатан 9,8% га кўпдир.

Тадбиркорлик субектларининг фаолияти

2022-йил март ойида фаолият кўрсатаётган хўжалик юритувчи субектлар таркибий қисми 1,0269 тани ташкил этди, бу ўтган ойга нисбатан компонентнинг 2,7% га ошганини билдиради. Ушбу кўрсаткич ўтган йилнинг шу даврига нисбатан 4,9% га ўсиш билан ижобий қийматга эга.

2022-йилнинг март ойида фаолият юритаётган хўжалик юритувчи субектлар сони 2022-йил февралига нисбатан 5041 тага (581 775 та) кўпайиб, 586 816 тани ташкил қилди.

Ҳисобот даврида кичик корхоналар сони 470 712 тадан 475 465 тага (ўсиш 4 753 тага) ошди. Шунингдек, фермер хўжаликлари сони 107 710 тадан 107 730 тага кўпайди (ўсиш 20 та). Ишлаётган йирик корхоналар сони 3621 тани ташкил этди, бу 2022-йил февралига нисбатан 268 тага кўпдир.

Брендни рўйхатдан ўтказиш

2022 йил март ойида ҳимояланган товар белгиси индекси 1,0577 ни ташкил этди, бу ўтган ойга нисбатан 5,8% га кўпдир. Жорий йилнинг март ойида юридик шахслар томонидан 330 та товар белгиси ва савдо номлари рўйхатдан ўтказилди.