Ўзбекистонда тадбиркорликни рўйхатдан ўтказиш учун давлат божи миқдори пасайтирилди

Ўзбекистонда тадбиркорликни рўйхатдан ўтказиш учун давлат божи 80% га камайтирилди.

Адлия вазирлигининг маълум қилишича, ҳукумат қарорига асосан тадбиркорлик субъектларини рўйхатдан ўтказиш учун БҲҚнинг 20% (54 минг сўм) миқдорида давлат божи ундирилади. Илгари 1 БҲҚ (270 минг сўм) тўлаш керак эди.

Бундан ташқари, айрим қарорларга ўзгартириш ва қўшимчалар киритилди.

Шундай қилиб, адвокатлик лицензиясини олиш учун аризалар адлия органлари томонидан 10 иш куни ичида кўриб чиқилади (илгари бу муддат 20 иш куни эди).

Шунингдек, васийлик ва ҳомийликни амалга оширишга тўсқинлик қилувчи жиноятларнинг аниқ рўйхати белгиланди (илгари қасддан содир этган жинояти учун барча судланган шахсларга нисбатан чеклов мавжуд эди).