Америка Қўшма Штатлари Россиянинг «Шимолий оқим 2» газ лойиҳаси иштирокчиларига қарши янги санкциялар пакетини тайёрламоқда.
Бу ҳақда 22-ноябр, душанба куни АҚШ Давлат котиби Энтони Блинкен маълум қилди, деб ёзади Вloomberg.
Бу сафар санкциялар Россияга алоқадор компания ва икки судга тааллуқлидир. Блинкеннинг сўзларига кўра, АҚШ президенти маъмурияти “Россияга кўпроқ босим ўтказиш”га интилмоқда.
“Оқ уй “Шимолий оқим-2” газ қувури лойиҳасини амалга оширишда иштирок этаётган Transadria Ltd компанияси ва ушбу лойиҳа билан боғлиқ бўлган иккита кемага нисбатан санкциялар жорий этиш ниятида”, — деди Блинкен.
Унинг аниқлик киритишича, жорий этилган чекловлар доирасида Трансадриа Лтд компаниясига тегишли Марлин кемаси блокировка қилинадиган мулк сифатида белгиланади. Блинкен “қора рўйхат”га киритилган иккинчи кема номига аниқлик киритмади.
«Шимолий Оқим-2» — Болтиқ денгизи орқали Россиядан Германияга ўтадиган асосий газ қувури ва Германия, Дания, Россия, Финляндия ва Шветсиянинг иқтисодий зоналари ва ҳудудий сувлари орқали ўтади.