Президент Жо Байден чоршанба куни Қўшма Штатлар Украинага ҳарбий ва гуманитар ёрдам учун 800 миллион долларлик пакетни қандай сарфлашини айтди.
«Бу янги пакетнинг ўзи Украинага мисли кўрилмаган ёрдам беради. У Украина ҳарбийлари ўз халқига ҳужум қилаётган самолёт ва вертолётларни ўʻхтатишда ва Украина ҳаво ҳудудини ҳимоя қилишда давом этиши учун 800 та зенит тизимини ўз ичига олади», – деди Байден.
Шунингдек, унинг сўзларига кўра, президент Зеленскийнинг илтимосига кўра, Қўшма Штатлар Украинага қўшимча зенит тизимлари ва улар учун ўқ-дорилар сотиб олишда ёрдам берган ва ёрдам бермоқда.
Янги ёрдам пакетига шунингдек, 9000 портатив юқори аниқликдаги танкга қарши тизимлар киради.
Ёрдам, шунингдек, 7000 ўқ отиш қуроллари, пулемётлар, гранатаметларни ўз ичига олади.
Қўшма Штатлар Украинага учувчисиз самолётлар юборишга ҳам ваъда бермоқда.
Байден, шунингдек, Украинага ёрдам бериш учун «яқин кунлар ва ҳафталарда кўпроқ иш қилишга» ваъда берди.