2018-2021 йилларда АҚШнинг собиқ давлат котиби бўлган Майк Помпео Россиянинг Украинага бўлган тажовузини кескин қоралади ва Украинага Американинг Abrams танклари ва Patriot тизимини тақдим этиш тарафдори эди. Бундай мурожаат билан 24-июн, жума куни у Гудзон институтида нутқ сўзлади.
Боз устига, Помпео Путиннинг ҳозирги ҳаракатларини Иосиф Сталин билан солиштирган.
«Путин ҳокимиятда қолар экан, Россия де-факто қамоқхона бўлиб қолади ва унинг кенгайиши учун чегара қўйган ҳеч бир давлат хавфсиз бўлмайди», — дея қўшимча қилди у.
Помпео АҚШ Украинани қўллаб-қувватлаши кераклигини таъкидлади ва буни «Европадаги кенгроқ можаронинг олдини олиш зарурати билан оқлади, бу эса, албатта, АҚШ армиясининг бевосита иштирокини талаб қилади».
У, шунингдек, «бирлашмаси глобал иқтисодий таназзулга олиб келиши мумкин бўлган Россия ва Хитой ҳаракатларига қарши туриш учун» халқаро коалиция тузишга чақирди.
Шу билан бирга, у энергетика ресурсларининг Россия иқтисодиёти ва халқаро таъсири учун муҳимлигини таъкидлади, шунингдек, АҚШ ҳукуматини энергетика соҳасида Американинг етакчи ролини ривожлантиришга етарлича эътибор бермаётгани учун танқид қилди.