Австрия канцлери Москвада Путин билан учрашди

Австрия канцлери Карл Нехаммер 11-апрел, душанба куни Киевга ташрифидан сўнг Москвага учиб, Россия президенти Владимир Путин билан учрашди.

Учрашув 75 дақиқа давом этди, ҳеч қандай матбуот баёноти берилмади, бироқ канцлер айрим тафсилотларни айтиб берди, деб ёзади Krone Zeitung.

Хусусан, Нехаммер Путин билан ўтказган музокаралари аниқ хабар берганини таъкидлади. Аммо бошқа томондан, Украина билан бирдамлик белгиси сифатида у Россия президентига уруш тугаши кераклигини тушунтирди.

Қайд этилишича, Нехаммер Украинадаги ҳарбий жиноятларни тилга олган ва уларни халқаро тергов қилиш муҳимлигини айтган.

«Бу уруш тўхташи керак, чунки урушда ҳар икки томон ҳам мағлуб бўлади», деб таъкидлади канцлер.

Шунингдек, у бу учрашувни кескин, очиқ ва тўғридан-тўғри, дўстона ташриф емаслигини таъкидлади. Шу билан бирга, у барча келишмовчиликларга қарамай, Россия билан тўғридан-тўғри мулоқотдан бошқа муқобил йўқлигини қўшимча қилди.