АҚШ Давлат котиби Энтони Блинкен Индонезия пойтахтида Жануби-Шарқий Осиё давлатлари ассоциацияси саммити доирасида Хитой бош дипломати Ван И билан учрашди.
Блинкен ва Ван И ўртасида сўнгги ойдаги иккинчи учрашув бўлган музокаралар конструктив ва очиқ бўлиб, турли икки томонлама, минтақавий ва глобал масалаларни қамраб олди.
Томонлар минтақада, жумладан, Тайван бўғозида тинчлик ва барқарорликни сақлаш муҳимлигини таъкидлаб, ҳам келишмовчиликларни, ҳам ҳамкорликнинг потенциал йўналишларини муҳокама қилдилар.
Хитойнинг киберҳужумларда иштирок этиши мумкинлиги масаласига алоҳида эътибор қаратилди, хусусан, Microsoft компаниясининг АҚШ давлат идораларининг электрон почта аккаунтларини бузиш ҳақидаги баёноти контекстида. Блинкен, шунингдек, АҚШнинг Хитой ишларига «аралашуви»дан хавотир билдирди.
Ўз навбатида, Ван И Қўшма Штатлар Хитойнинг ички ишларига нотўғри аралашишдан тийилиш, унинг суверенитети ва ҳудудий яхлитлигига таҳдид солмаслик, иқтисодий, тижорат ва технологик босимни тўхтатиш зарурлигини таъкидлади.
У, шунингдек, Хитойга қарши ноқонуний ва асоссиз санкцияларни бекор қилиш масаласини кўтариб, икки давлат ўртасида ўзаро манфаатли муносабатлар ўрнатишга чақирди.
Натижада томонлар мулоқотни қўллаб-қувватлаш ва давом эттиришга келишиб олдилар.