Болгария ҳукумати Украина Қуролли Кучларининг ўқув миссиясига ўз ҳиссасини қўшишга тайёрлигини маълум қилади.
Бу ҳақда 10-ноябрь, пайшанба куни мамлакат Мудофаа вазирлиги матбуот хизмати хабар берди.
«Миллий ҳисса тўғрисидаги қарор Миллий ассамблеянинг 3-ноябрдаги қарорини бажариш мақсадида Вазирлар Кенгаши томонидан қабул қилинган… Ўз қарори билан Болгария ҳукумати ўқув миссиясига ўз ҳиссасини қўшишга тайёрлигини эълон қилади. Тренинг Германия, Польша ва бошқа қатор Европа Иттифоқи давлатлари ҳудудида амалга оширилади», — дейилади хабарда.
Болгария, шунингдек, ўз ҳудудида Украина Қуролли Кучлари учун ҳарбий буйруқчиларни тайёрлашни ташкил қилади – ойига 15 кишигача.