Бразилия президенти Луис Инасиу Лула да Силва Россиянинг Украинага қарши урушига барҳам бериш мақсадида Лотин Америкаси давлатлари, Хитой ва Бирлашган Араб Амирликлари иштирокида G20 тузишга чақирди. Бу ҳақда El Tiempo нашри хабар бермоқда.
«Катта йигирматалик инқирозга учраган жаҳон иқтисодиётига ёрдам бериш учун яратилган.Э нди бу урушни тўхтатиш ва тинчлик ўрнатиш учун яна бир G20 ни яратиш муҳим. Бу менинг ниятим ва биз катта ютуқларга эришамиз деб ўйлайман. Кеча мен амирлик шайхи Мухаммад бин Зоид ал Наҳаён билан уруш ҳақида гаплашдим. Хитой раҳбари Си Цзинпин билан тинчлик ҳақида гаплашдим. Менимча, биз урушдан кўра тинчлик ҳақида гапиришни афзал кўрадиган одамларни топамиз. Ўйлайманки, биз муваффақиятга эришамиз», таъкидлади да Силва.
Унинг сўзларига кўра, у аллақачон ўз ташаббусини Ақш президенти Джо Байден, Германия канцлери Олаф Шолц, Франция президенти Эммануел Макрон ва Жанубий Американинг айрим давлатлари раҳбарлари билан муҳокама қилган.