Буюк Британия мудофаа вазири Бен Уоллеснинг айтишича, унинг мамлакати Италия ва Япония билан биргаликда бўлажак самолётларга қўйиладиган талабларни аниқлагандан сўнг 6-авлод қирувчи самолётини яратиш устида иш бошлайди.
Буюк Британия, Италия ва Япония олтинчи авлод қирувчи самолётини яратиш устида ҳамкорликда иш бошлайди, дея хабар беради Британия Мудофаа вазири Бен Уоллес.
Ушбу лойиҳа мамлакатлар бўлажак самолётларга қўйиладиган талаблар тўғрисида қарор қабул қилгандан кейин ишлаб чиқилади.
Уоллеснинг сўзларига кўра, янги қирувчи самолётнинг илк парвозлари ўн йилликнинг охиридаёқ амалга ошиши мумкин.
Буюк Британия 2025 йилгача 2 миллиард фунт стерлинглик лойиҳани молиялаштиришни ва кейинги 10 йил ичида яна 10 миллиард фунт стерлинг ажратишни режалаштирмоқда.
Умуман олганда, лойиҳани ишлаб чиқиш дастури 25 миллиард фунт стерлингдан ошади.
Бен Уоллеснинг қайд этишича, янги олтинчи авлод қирувчи самолётининг яратилиши янги технологиялар, платформалар ва экспорт бозорларининг очилишига олиб келади.
У, шунингдек, бу халқаро қадриятларни қўллаб-қувватлашга асосланган ва қонун устуворлигига ишонадиган либерал очиқ демократик давлатлар билан якунланган глобал ҳамкорлик лойиҳаси эканлигини таъкидлади.