Европада бир йил ичида биринчи марта янги автомобилларга талаб ошди — ОАВ

Европа автомобил бозори 2021-йил июл ойидан бери биринчи марта янги автомобилларни рўйхатга олиш ойлик ўсишини қайд этди, деб ёзади Bloomberg Европа автомобил ишлаб чиқарувчилар уюшмаси маълумотларига таяниб.

Маълум қилинишича, 2022-йил август ойида ЕИда 748 961 та автомобил рўйхатга олинган, бу 2021-йил августига нисбатан 3,4 фоизга кўпдир.

Савдоларнинг энг катта ўсишини Германиянинг Mercedes-Benz компанияси кўрсатди — ўтган йилнинг августига нисбатан 16 фоизга ортиқча. Янги автомашиналарни рўйхатга олишнинг энг сезиларли ўсиши Германияда (3 фоизга), Францияда (3,8 фоизга) ва Испанияда (9,1 фоиз) кузатилди.

Сотишнинг ўсиши автомобилсозлик саноатидаги яримўтказгичлар инқирозини енгиб ўтиш ва ковид 2021 статистик кўрсаткичлари билан таққослашнинг паст базаси билан боғлиқ.

Аммо ЕИда янги автомобиллар сотуви ҳали ҳам пандемиягача бўлган даражадан паст ва агентликнинг фикрича, Европа Иттифоқида янги автомобилларга талабнинг ўсиши вақтинчалик ҳодиса, кейин эса янги пасайиш кутилиши керак.

«Юқори инфляция, фоиз ставкаларининг ўсиши ва истеъмолчилар ишончининг пасайиши европаликларнинг эски машиналарни янгиларига алмаштиришни кечиктиришларига сабаб бўлмоқда. 2023 йилда автомобилларга талаб камаяди», — дея башорат қилмоқда Bloomberg.