Европадаги энергетика инқирози 2025 йилгача давом этади — ОАВ

Европада энергия камида 2025 йилгача давом етади. Мутахассисларнинг бундай баҳоси Bloomberg томонидан чоп этилган.

Россия газини етказиб бериш тўлиқ тўхтатилган тақдирда кейинги иситиш мавсумларига тайёргарлик кўриш жараёни янада қийинлашиши мумкин.

Европа энергетика компаниялари раҳбарлари муаммонинг тезкор ечими йўқлигини, шунинг учун энергия инқирози бир неча йилга чўзилиб кетишини таъкидламоқда.

«Европа келаси қишда бундан ҳам катта муаммоларга дуч келиши мумкин. Мамлакатлар биз бу йилгидек кейинги ёзда ҳам омборларни тўлдира олмаслиги мумкин», деди Германиянинг энергетика гиганти Uniper SE компаниясининг бош тижорат директори Ниек Ден Холландер.

Нашрнинг қайд этишича, энергетика инқирози сўнгги 50 йилдаги энг оғир инқирозга айланган. Нархларнинг кўтарилиши билан босим ҳаёт нархи инқирозини кучайтирди ва иқтисодиётни таназзул ёқасига олиб келди.

«Агар Кремлнинг якуний мақсади Марказий Европага Россия газини етказиб беришни бутунлай тўхтатиб қўйиш бўлса, Украина орқали транзит, албатта, хавф остида», — дейди Kpler энергетика компаниясининг СТГ катта таҳлилчиси Лаура Пейж.

Эслатиб ўтамиз, бугун Россия президенти Владимир Путин Россия энергия ресурсларига нарх чегараланган тақдирда Европа Иттифоқига газ етказиб беришни тўлиқ тўхтатиш имкониятини эълон қилди. Европа Иттифоқида тегишли қарор шу ҳафтада қабул қилиниши мумкин.

Ҳозирда Европа Иттифоқидаги газ захиралари ўртача 82% ни ташкил этади, бу аввалги йиллардагидан анча юқори. Шу билан бирга, Россия газининг умумий Европа Иттифоқи импортидаги улуши 9 фоизга тушди.