Европарламент Европа Иттифоқи кенгаши билан Украинанинг босиб олинган ҳудудлари ва Грузиянинг вақтинча босиб олинган ҳудудларида Россия томонидан берилган саёҳат ҳужжатларини қабул қилмаслик бўйича эришилган келишувни маъқуллади.
Бу ҳақда парламент матбуот хизмати хабар берди.
Европарламент Европа Иттифоқи Кенгаши билан Украинанинг босиб олинган ҳудудлари ва Грузиянинг вақтинча босиб олинган ҳудудларида Россия томонидан берилган саёҳат ҳужжатларини қабул қилмаслик бўйича эришилган келишувни маъқуллади.
Қарор учун 531 депутат овоз берди, 7 нафари қарши, 34 нафари бетараф қолди.
Таклифга кўра, Еврокомиссия Европа Иттифоқига аъзо давлатлар билан маслаҳатлашиб, Россиянинг саёҳат ҳужжатлари, хусусан, қабул қилинмаслиги керак бўлган паспортлар рўйхатини тузиши керак.
Бироқ Украинадаги урушдан қочганлар ҳамон инсонпарварлик нуқтаи назаридан ЕИга киришлари мумкин.
«Европа парламенти Россияга ҳуқуқий ва сиёсий йўллар билан босим ўтказишда давом этиш учун қўлидан келган барча ишни қилишга қарор қилди, бунда Путин ушбу ноқонуний уруш ҳамда Украина ва унинг халқига қарши халқаро жиноятлар учун катта тўлов тўлаши керак», – овоз беришдан кейин изоҳ берди маърузачи Хуан Фернандо Лопес Агиллар.
ЕИ Кенгаши томонидан қарор расман қабул қилинган ва Европа Иттифоқининг расмий журналида чоп этилгандан сўнг, у эълон қилинган кундан кейинги кун кучга киради.
Россия 2014-йилда ярим орол ноқонуний равишда аннексия қилинганидан бери Қрим аҳолисига паспорт бериб келган ва ҳозирда буни Украина ҳукумати назорат қилмайдиган Украинанинг бошқа ҳудудларида ҳам амалга оширмоқда.
Россия Федерациясининг ушбу ҳужжатларини қабул қилмаслик фуқароларнинг ҳар бири Европа Иттифоқига кириш учун визага мурожаат қилганда ёки Европа Иттифоқининг ташқи чегараларини кесиб ўтганда қўлланилади.
Европа Иттифоқи Кенгашидаги Чехия раислиги ва Европарламент ноябр ойи ўрталарида Украина ва Грузиядаги босиб олинган ҳудудларда берилган Россия паспортларини тан олмаслик қарори бўйича дастлабки келишувга эришди.