Финляндия ҳукумати Россия билан чегарада панжара қуриш учун бюджетдан 139 миллион евро ажратади.
Нашрнинг таъкидлашича, Финляндия ҳозирда Россия билан давлат чегарасига эга, у ўрмон билан қопланган ва унинг узунлиги 1300 км бўлган кўп қисмида ҳалигача фақат белгилар ва пластик чизиқлар билан белгиланган.
«Лойиҳанинг дастлабки босқичи учун мамлакат парламенти аллақачон олти миллион евро ажратган», — дейилади нашрда.
Мамлакат чегара хизмати департаменти 130-260 км узунликдаги панжара қуришни режалаштираётганини айтди. Улар, хусусан, Финляндия жануби-шарқидаги чегара ўтиш нуқталари ва уларнинг атрофидаги ҳудудларни қамраб олади.