Франция ҳукумати Россиядан газ етказиб беришни тўлиқ тўхтатишга тайёргарлик кўрмоқда. Улар буни «энг эҳтимолий сценарий» деб билишади.
Бу ҳақда Франсиянинг Иқтисодиёт, молия, саноат ва рақамли суверенитет вазириБрюно Ле Мэр маълум қилди, дея хабар беради Reuters ахборот агентлиги.
«Менимча, Россия газини етказиб беришни тўлиқ тўхтатиш жуда реалдир ва биз бунга тайёргарлик кўришимиз керак. Бу сценарийни эътиборсиз қолдириш мутлақо масъулиятсизлик бўларди», — деди расмий.
Унинг сўзларига кўра, бу «энг эҳтимолий сценарий».
Шунингдек, у ҳукумат етказиб беришда узилишлар юз берганда устувор ҳимояга эга бўлиши керак бўлган компаниялар рўйхатини аниқлаш устида иш олиб бораётганини таъкидлади. Хусусан, «биринчи мудофаа чизиғи» уй хўжаликлари ва компанияларнинг енергия сарфини камайтириш бўлса, кейинги босқичда янги инфратузилмани барпо этиш белгиланган. Масалан, суюлтирилган газни хориждан етказиб бериш учун сузувчи терминал.
Ахборот агентлигининг қайд этишича, Россия етказиб бериш Франциядаги барча газнинг 17 фоизини ташкил қилади. Бу факт мамлакатни бошқа Европа давлатларига қараганда уларга камроқ қарам қилади.
Бироқ, битта қийинчилик бор: мамлакатдаги кўплаб ядровий реакторларни техник хизмат кўрсатиш учун ёпилиши. Бу Франциянинг атом энергетика саноатига йўқолган ҳажмларни тезда тўлдиришга имкон бермайди.