G7 давлатлари Россия нефт нархини икки баробарга тушириш ниятида

“Катта еттилик” давлатлари Россия нефтини жорий харид нархининг ярмидан ошмайдиган нархда сотиб олиш имконини берувчи механизмни ишлаб чиқди.

Япония бош вазири Фумио Кисида Россия Федерациясида нефт нархига G7 томонидан мажбурий чекловлар киритилганидан кейин максимал нефт нархи жорий харид нархининг ярмидан ошмаслигини айтди. 4-июл, душанба куни Кисиданинг тегишли сўзларини Жапан Тодай нашри келтирмоқда.

Қайд этилишича, Япония бош вазири махсус механизм яратилишини маълум қилган, бунинг ёрдамида Россия нефти қўшма келишувда белгиланганидан қимматроқ нархда сотиб олинмайди.

Тахминларга кўра, халқаро компаниялар Россия хом нефти ва нефт маҳсулотларини белгиланган нархда сотиб олинган тақдирдагина бутун дунё бўйлаб ташишлари мумкин. Нефт нархининг чегараланиши Россияга нисбатан жорий қилинган санксияларга кўпроқ куч бериши кутилмоқда.

«Биз жаҳон тартиби бузилаётган жиддий вазиятга дуч келдик. Агрессия учун катта нарх тўлаш кераклигини кўрсатишимиз керак», — деди Бош вазир.

Кишида, шунингдек, Россиянинг Украинага қарши уруши бутун дунё бўйлаб истеъмол товарларининг асосий гуруҳлари нархининг кескин ошишига олиб келганини таъкидлади.

Аввалроқ АҚШ президенти Джо Байден Россиядан нефт учун “катта муаммолар” бўлишини ва’да қилган эди. АҚШ ва унинг иттифоқчилари нефт ташувчи рус танкерларини суғурта қилмайди. Бу ушбу энергия ресурсини ташишга халақит беради.