Германия Хитой томонидан тақдим этилган, Украинадаги урушнинг тугашига тааллуқли ҳужжат бўйича ўз позитсиясини билдирди.
Германиянинг Украинадаги элчиси Анка Фелдхусенга кўра, Германия бу ҳужжатни “тинчлик режаси” деб ҳисобламайди.
Бунинг ўрнига улар 23 феврал куни Нью-Йоркда 141 давлат томонидан қўллаб-қувватланган БМТ Бош Ассамблеяси резолютсияси ва президент Зеленский таклиф қилган 10 бандни тан олишади.
Шу билан бирга, Германия Хитойнинг “тинчлик режаси”даги бир нечта бандларни қўллаб-қувватлайди, бироқ ҳужжатда Украина ҳудудий яхлитлиги аниқ кўрсатилмаганини қайд этди.
Элчининг таъкидлашича, улар Хитойдан вазиятни шунчаки можаро эмас, балки уруш деб аниқ белгилашини ва Россия қўшинларининг ҳудудий яхлитлик тамойилини сақлаб қолиш манфаати учун Украина ҳудудини тарк этишини кутишмоқда.