Германия Украина учун 100 та пиёда жанговар техникасини модернизация қилади

Германия концерни илгари Бундесверда хизмат қилган 100 та Marder пиёда аскарларининг жанговар машиналарини модернизация қилади ва уларни Украина Қуролли кучларига топширади.

Бу ҳақда Rheinmetall концерни бош директори Армин Паппергер Bild am Sonntag газетасига берган интервюсида айтиб ўтди.

Унинг сўзларига кўра, пиёда аскарларнинг бир нечта жанговар машиналари аллақачон фойдаланишга тайёр ва уларни дарҳол Украинага жўнатиш мумкин.

«Ушбу Marderлар қачон ва қаерда етказилишини Германия ҳукумати ҳал қилади», дея қўшимча қилди Паппергер.

Шу билан бирга, Rheinmetall 88 та Leopard 1 ва бир нечта Leopard 2 танкларини янгиламоқда.