Хитой Тайванга тўрт йил ичида ҳужум қилади: Марказий разведка бошқармаси

АҚШ Конгресси спикери Ненси Пелоси 2022-йил август ойида Тайванга ташриф буюрганидан бери ХХР армияси орол яқинида мунтазам равишда ҳарбий машғулотлар ўтказиб келади, чунки бу орол уларники ҳисобланади.

Хитой раҳбари Си Цзиньпин тўрт йил ичида ўз қўшинини Тайван оролига бостириб кириш учун жўнатмоқчи. Бу ҳақда 3-февраль, жума куни Джорджтаун университетида нутқ сўзлаган Марказий разведка бошқармаси директори Уилям Бернс маълум қилди, деб ёзади Япониянинг NHK телеканали.

Бернс АҚШ разведкаси маълумотларига таяниб, Хитой ҳарбий қўмондонлиги давлат раҳбаридан 2027 йилгача Тайванга бостириб киришга тайёр туриш бўйича кўрсатма олганини таъкидлади.

«Бу унинг 2027-йилда ёки бошқа бир йилда босқин уюштириш ниятида эканлигини англатмайди, лекин бу унинг ниятлари ва амбицияларининг жиддийлигини эслатади», деди Марказий разведка бошқармаси директори.

Шу билан бирга, у Хитой раҳбарининг ниятларини эътиборсиз қолдирмасликка чақирди.

Пекин ХХР ҳудудий яхлитлигини тиклаш учун «Тайвань провинцияси» назорат остига олиниши кераклигини бир неча бор таъкидлаган. Бироқ, Тайбэй Тайвань ороли Хитой Республикасининг эркин ҳудуди эканлигини, Хитойнинг материк қисми эса бунга қўшилмаганини таъкидламоқда. 1949-йилда ўзини-ўзи бошқарувчи демократик давлат ХХРдан ажралиб чиқган.

Эслатиб ўтамиз, аввалроқ АҚШ президенти Жо Байден Хитой оролга бостириб кирган тақдирда Қўшма Штатлар Тайванни ҳимоя қилиш ниятида эканини айтган эди.