Япония бош вазири Ёсихиде Суга ваколат муддати тугаши билан истеъфога чиқиши керак. Бу сўровда қатнашган мамлакат фуқароларининг аксарияти фикри.
Малумот учун! Япониянинг амалдаги Бош вазири Ёсихидэ Суга ҳукмрон Либерал-Демократик Партия (ЛДП) раҳбари сифатида муддати сентябрда тугайди.
Япония аҳолисининг деярли 60% унинг зудлик билан ёки ЛДП раҳбарининг муддати тугагандан сўнг истеъфога чиқишини ёқламоқда. Буни душанба куни чоп этилган «Yomiuri» газетаси томонидан 2-4 апрел кунлари ўтказилган мамлакат бўйлаб ўтказилган телефон анкетаси маълумотлари кўрсатди.
Унда 18 ёшдан 75 ёшгача бўлган мингдан ортиқ япониялик сайловчилар иштирок этишди, улар компютердан тасодифий танлаб олиш орқали аниқланди.
Респондентларнинг 12 фоизи бош вазирнинг зудлик билан истеъфога чиқишини ёқламоқда. 47% у сентябр ойида ҳукмрон партиянинг tтакчиси сифатида муддати тугагандан сўнг лавозимини тарк этиши керак деб ҳисоблайди. ЛДП парламентда кўпчиликни ташкил қилади ва у ерда ҳукумат раҳбари сайланганда унинг раҳбари ғалаба қозонади.
Ёcиҳиэ Суга ўтган сентябр ойида салафи Синдзо Абенинг соғлиғи сабабли истеъфога чиққандан сўнг бош вазир лавозимини эгаллади. Ҳозиргача Суга ҳукумат раҳбари сифатида фақат сентябр ойигача, ҳукмрон партия этакчисига навбатдаги режалаштирилган сайловлар тугагунига қадар ишлайди. Амалдаги бош вазир уларни ютиб олиш учун катта имкониятга эга, аммо, «Yomiuri» газетасининг ёзишича, унинг мавқеи пандемия ва эмлашнинг паст даражаларига қарши курашда сезиларли муваффақиятларнинг йуқлигидан аҳолининг норозилигининг кучайиши туфайли заифлашмоқда.
