Калифорнияда кучли қор ёғиши транспорт алоқаларини фалаж қилди

Шимолий Калифорния ва Невада тоғларидаги йирик магистрал йуллар Рождество дам олиш кунларида кучли қор бўрони туфайли фалаж бўлди.

Синоптикларнинг огоҳлантиришича, Серра-Невадада саёҳат бир неча кун давомида қийин кечиши мумкин. Бу ҳақда Associated Press хабар берди.

Невада штатининг Рено шаҳри маъмуриятининг маълум қилишича, якшанба куни ҳайдовчилар кўриш имконияти чекланганидан шикоят қилган автомагистралда 20 автомобил тўқнашуви оқибатида уч киши жароҳатланган. Ғарбда, Калифорниянинг Колфакс шаҳридан Тахо кўли орқали Невада чегарасигача бўлган 70 миля (112 километр) автомобил йули душанба кунигача ёпилди. Калифорния транспорт департаменти ҳайдовчиларни огоҳлантириб, бошқа кўплаб йулларни ҳам ёпди.

«Барча йулларда жиддий кечикишларни кутинг», деди Миллий об-ҳаво хизматининг Ренодаги офиси якшанба куни Твиттерда.

Метеорология хизмати сешанба куни эрталаб соат 1 дан олдин кучли қор ёғиши ва шамол тезлиги соатига 45 миля (72 км) га етиши мумкин бўлган шамол туфайли Таҳое кўли учун бўрон ҳақида огоҳлантирди.