Конгрессменлар Байденни Украинани ATACMS ракеталари билан таъминлашга чақирмоқда

АҚШ Конгрессидаги икки партияли Хелсинки комиссияси раҳбарлари президент Байденга мактуб йўллаб, Украинани ATACMS баллистик ракеталари билан таъминлашни талаб қилди.

26-май, жума куни Foreign Policy АҚШ Хелсинки комиссияси мактубига таяниб хабар бермоқда.
Қайд этилишича, икки партияли Хелсинки комиссияси раҳбарлари Оқ уйни Украинага армиянинг ATACMS тактик ракета тизимини етказиб беришга яшил чироқ ёқишга чақирган. У Украинага илгари тақдим этилган бир нечта ракета тизимларидан учирилиши мумкин.

«Энди F-16 самолётларини юбориш тўғрисида қарор қабул қилингандан сўнг, ўзимизни Украинанинг тўлиқ ғалабасига бағишлаш ва барча керакли жиҳозларни етказиб бериш вақти келди», деб ёзади Хелсинки комиссия аъзоси Виктория Спарц томонидан имзоланган 25 майдаги хатда.

Байденга йўллаган мактубида улар Украина сўраган деярли барча қурол тизимлари кучли босимдан сўнг етказиб берилганини қўшимча қилишди. Улар Оқ уйни ATACMS бериш учун янги босим кампаниясини кутмасликка чақиришди.

Конгресснинг баъзи аъзолари ва АҚШ расмийларининг фикрича, ATACMSни Украинага етказиб бериш Россия қўшинлари, кемалари ва Украина ҳудудидаги базаларини хавф остига қўйиши мумкин.

«Бу Украинага нафақат украиналик ҳимоячилар ва тинч аҳолини ўлдиришда қўлланилаётган рус ҳарбий қуролларини йўқ қилишга ёрдам беради, балки Россия бўлинмалари ва таъминот занжирларини фронтдан узоқроққа суради, бу уларнинг геноцид урушини давом эттириш имкониятини кескин мураккаблаштиради», деб ёзади Байденга қилган баёнотида қонунчилар.

Европада Хавфсизлик ва Ҳамкорлик Комиссияси, шунингдек, АҚШ Хелсинки Комиссияси сифатида ҳам танилган, 1975 йилда Конгресс томонидан Хелсинки келишувлари ва Европада Хавфсизлик ва Ҳамкорлик Ташкилотининг (ЙХҲТ) бошқа мажбуриятларига риоя этилишини назорат қилиш ва рағбатлантириш учун ташкил этилган мустақил АҚШ ҳукумат агентлигидир.