Марказий разведка бошқармаси директори Уилям Бернснинг сўзларига кўра, Кремл раҳбари Владимир Путин уруш бўйича музокаралар олиб боришга тайёр эмас ва у ҳамон Украина ҳудудларини босиб олишга интилмоқда.
«У орқага чекиниш ўрнига, саъй-ҳаракатларини икки баравар оширди», — деди Марказий разведка бошқармаси директори Путин ҳақида.
Бернс Украинанинг режалаштирилган қарши ҳужуми муҳимлигини таъкидлаб, келгуси ойлар можаро тақдири учун жуда муҳим бўлишини айтди.
У Донбасдаги украиналик ҳимоячилар нақадар жасорат билан жанг қилаётганини, шунингдек, Россия армиясининг толиққанини қайд этди. Бернснинг таъкидлашича, айнан Украинанинг жанг майдонидаги муваффақияти «дипломатия истиқболлари»ни шакллантиришда ҳал қилувчи рол ўйнайди.
«Путин урушдан олдин Украина ҳақидаги тахминларида қаттиқ янглишди. Ҳақиқий давлатлар бунга қарши курашмоқда», – деди у Украина ва унинг президенти айнан шундай қилганини таъкидлади.
Якунида Марказий разведка бошқармаси директори АҚШнинг Украинани қўллаб-қувватлашда давом этиши, жумладан, разведка маълумотларини алмашиш муҳимлигини таъкидлади.