31 майдан 1 июнгача Норвегияда НАТО ташқи ишлар вазирларининг норасмий учрашуви бўлиб ўтади.
Бу ҳақда альянс бош котиби Энс Столтенберг маълум қилди, дея хабар беради «Интерфакс-Украина».
Аввалроқ, ўтган йилнинг декабр ойида у Норвегия НАТО ташқи ишлар вазирларининг навбатдаги норасмий учрашувини ўтказишни таклиф қилганини айтганди.
«Мен Норвегия таклифи учун миннатдорман ва ўз шаҳримда НАТО ташқи ишлар вазирлари билан учрашишни интиқлик билан кутаман», деди Столтенберг.
Унинг сўзларига кўра, вазирлар учун бу «Россиянинг Украинадаги шафқатсиз уруши туфайли тубдан ўзгарган хавфсизлик вазиятини кўриб чиқиш ва украин халқи ғалаба қозониши учун бизни собит қўллаб-қувватлашимиз учун муҳим имконият бўлади».
Ташқи ишлар вазирлари, шунингдек, 2023-йил 11-12-июл кунлари Вилнюсда бўлиб ўтадиган НАТОга аъзо давлатлар ва ҳукумат раҳбарлари йиғилишига тайёргарлик бўйича норасмий музокаралар ўтказади.