Хитой Ташқи ишлар вазирлиги матбуот котиби Мао Нингнинг сўзларига кўра, Пекин Украинадаги инқирозни сиёсий йул билан ҳал қилишда конструктив рол ўйнашда давом этади.
Шунингдек, у Хитой Россия ва Украинани вазиятни ёмонлаштириши ва можаронинг янада кескинлашишига олиб келадиган ҳаракатлардан қочишга чақиришини таъкидлади.
Кремлга “дрон ҳужуми” муносабати билан ТИВ вакили Пекиннинг Украина инқирози бўйича позицияси изчил ва аниқ эканини таъкидлади.
Унинг таъкидлашича, барча томонлар вазиятни янада оғирлаштирадиган ҳаракатлардан қочишлари керак.
Москвадаги воқеа Хитой элчисининг Украинага ташрифига таъсир қиладими, деган саволга Нинг, Хитой расмийлари бу ҳақда керакли вақтда маълумот беришини айтди.
“Хитой томони халқаро ҳамжамият билан ҳамкорликда “Украина инқирози”ни сиёсий йул билан ҳал қилишда конструктив рол ўйнашда давом этади”, — дея қўшимча қилди вазирлик вакили.