АҚШ Россияни Байденнинг инаугурациясига таклиф қилди.
АҚШда 2021 йил 20-январда АҚШнинг янги сайланган президенти Жозеф Байденнинг инаугурацияси бўлиб ўтади. Россия тантанали тадбирга таклифнома олди.
Россиянинг Вашингтондаги дипломатик ваколатхонаси элчи даражасида иштирок этиш режалаштирилганлигини айтди.
«Таклифнома қабул қилинди. Элчи даражасида иштирок этиш режалаштирилган», – деди элчихона вакили.
Одатда, президентнинг инаугурациясида хорижий элчилар қатнашадилар, аммо бу йил у жуда қисқартирилган шаклда ўтказилмоқда ва дипломатлар учун жой бўладими-йуқми номаълум эди.
Дастлаб, маросимга фақат Конгресс аъзолари ва уларнинг меҳмонлари кириши мумкинлиги ҳақида хабар берилган эди — ҳар бири учун биттадан кўп бўлмаган, яъни жами 1100 кишидан сал кўпроқ.
АҚШда 3-ноябр куни бўлиб ўтган президентлик сайловлари натижаларига кўра демократ Джо Байден ғалаба қозонди. У мағлубиятини тан олмайдиган амалдаги давлат раҳбари Доналд Трампдан 232 га қарши 306 сайловчилар овозини олди.
6-январ куни Трамп Вашингтондаги митингда тарафдорларини «заиф республикачиларга ёрдам бериш» учун президент сайловларига қарши чиқиш учун Капитолийга боришга чақирди. Оломон Капитолийни қуршовга олди, бинога бостириб кирди ва вайронагарчиликлар келтириб, Конгресснинг қўшма мажлисини тўхтатди, бу ерда Джо Байденнинг ғалабаси талаб қилинди. Беш киши тўқнашув қурбонига айланди.
Конгрессдаги демократлар Вакиллар палатасида Трампни зўравонлик ва тартибсизликни қўзғаганликда айблаб, импичмент қилмоқчи.
