Россия Беларуссияда тактик ядро қуролини жойлаштириш ниятида

Россия президенти Беларуссия ҳудудида тактик ядро қуролларини жойлаштириш режалари ҳақида маълум қилди, уни сақлаш омбори қурилиши жорий йилнинг июлигача якунланади.

Москва ва Минск Беларуссия ҳудудида тактик ядро қуролларини жойлаштиришга келишиб олдилар. Бу ҳақда Россия президенти Владимир Путин Россия телеканалига берган интервюсида маълум қилди, деб ёзади Россия ОАВ.

Путин сақлаш омбори қурилиши 1 июлда якунланишини айтди ва қуроллар «СНВ-III шартномаси бўйича мажбуриятларни бузмаган ҳолда» жойлаштирилишини таъкидлади. Унинг сўзларига кўра, бундай қадамга Буюк Британиянинг Украинага тугатилган уранли ўқ-дорилар етказиб берилиши ҳақидаги баёноти сабаб бўлган.

Путин, шунингдек, Беларуссия «узоқдан бери Россия ядро қуролига мезбонлик қилишни сўраб келаётганини» таъкидлаб, «Москва АҚШ ўн йилдан бери қилаётган ишни қиляпти», деб қўшимча қилди.

Тажовузкор мамлакат президентининг таъкидлашича, Ғарб Киевга бермоқчи бўлган камайган уранли ўқ-дорилар оммавий қирғин қуролига тегишли эмас, аммо «улар қайсидир маънода радиацион чанг хосил қилади ва ўта хавфли» ҳисобланади.