29-апрелга ўтар кечаси Севастополда нефт омбори ёниб кетди. Воқеа жойида барча зарур махсус хизматлар ишламоқда, ёнғин майдони 1000 квадрат метрни ташкил қилган.
Шаҳар «губернатори» Михаил Развожаевнинг айтишича, ёнғинга дрон урилгани сабаб бўлган.
«Казача кўрфази микрораёнидаги Манганари биродарлар кўчаси яқинида ёқилғи баки ёнмоқда. Барча керакли махсус хизматлар жойида ишламоқда», — деб ёзди у Telegram даги каналида.
Шунингдек, у ёнғин майдони тахминан 1000 квадрат метрни ташкил этганини, ёнғинга тўртинчи мураккаблик даражаси берилганлигини қўшимча қилди. Развожаевнинг сўзларига кўра, қурбонлар йўқ.
«Ёқилғи ҳажми катта бўлгани учун ёнғинни очириш учун вақт керак бўлади», – дея қўшимча қилди у.
Воқеа жойида 18 та ўт ўчириш бригадаси ишламоқда. Telegram-канал 112 ҳам фавқулодда хизматлар ёнғинга қарши поездни сафарбар этгани ҳақида хабар берди.
Дрондан тўртта танкга зарар етган, дея хабар бермоқда «Interfax» Развожаевга таяниб. Бу танклар деярли ёниб кетган, улар изоляция қилинган ва совутилган, оловнинг бошқа танкларга тарқалиши эҳтимоли йўқ.
«Ёнғин Севастополдаги ёқилғи таъминоти ҳолатига таъсир қилмайди. Бу заҳиралар ёқилғи қуйиш шохобчаларини ёқилғи билан таъминлаш учун ишлатилмаган», — деди у.
Унга кўра, фуқаролик объектларига ҳеч нарса таҳдид солмайди.