Британия тахтининг меросхўри Уэллс шаҳзодаси Чарлз ва унинг рафиқаси Корнуолл герцогиня Камилла коронавирусга қарши эмлашнинг биринчи дозасини олишди.
Шаҳзодани эмлаш тўғрисида қиролича Елизавета II нинг 72 ёшли ўғлининг идораси — Кларенс Хауснинг матбуот хизмати эълон қилди. Шу билан бирга, улар қайси дори ишлатилганлигини аниқлаб бермадилар.
Британия тахтининг меросхўри ва герцогиня тўртинчи эмлаш гуруҳида — 70 ёшдан ошганлар учун, деб хабар беради Sky News.