Сорос: Украинадаги уруш жаҳон урушининг бошланиши бўлиши мумкин

Давосдаги форумда миллиардер тинчликни сақлашнинг ягона йўли Россия армиясини мағлуб этиш эканини айтди.

Америкалик миллиардер ва Очиқ жамият фонди асосчиси Жорж Сороснинг айтишича, Россиянинг Украинага бостириб кириши учинчи жаҳон урушининг бошланиши бўлган бўлиши мумкин, шунинг учун Ғарб учун эркин цивилизацияни сақлаб қолишнинг энг яхши йўли Россия президенти Владимир Путинни мағлуб этишдир. Бу ҳақда Сорос Давосдаги форумда айтди.

Унинг сўзларига кўра, босқин учинчи жаҳон урушининг бошланиши бўлиши мумкин ва бизнинг цивилизациямиз ундан омон қолмаслиги мумкин.

«Цивилизациямизни сақлаб қолишнинг энг яхши ва эҳтимол, ягона йўли — Путинни имкон қадар тезроқ мағлуб этишдир. Гап шундаки», — дея қўшимча қилди Сорос.

Унинг қайд этишича, Украинадаги «махсус операция» режа бўйича кетаётгани ва Кремлнинг барча мақсадларига эришаман, деган Путин энди босқинни хато деб ҳисоблайди ва ўт очишни тўхтатиш бўйича музокаралар олиб боришга ҳозирлик кўрмоқда.

«Аммо сулҳга эришиб бўлмайди, чунки унга ишониб бўлмайди», деди Сорос.

Шунингдек, у «Путин қанчалик кучсиз бўлса, у шунчалик кутилмаган бўлиб қолади», деб қўшимча қилди.

Сороснинг таъкидлашича, Европа Иттифоқи Путин ҳозирда Европа эҳтиёжларининг қарийб 40 фоизини ташкил этувчи Россия табиий газини «агар бу ҳақиқатан ҳам оғриқли бўлса,» ўчириб қўйиши мумкинлигини тушуниши керак.

Сорос ҳам натижани олдиндан айтиб бера олмаслигини, аммо Украинада ғалаба қозониш имконияти аниқ эканини айтди.