Халқаро Валюта Жамғармаси (ХВЖ) Ижроия кенгаши Украина эҳтиёжлари учун тўрт йиллик 15,6 миллиард долларлик кредит бўйича келишиб олди.
Бу ҳақда ХВЖ халқаро молия ташкилоти матбуот хизмати хабар берди.
ХВЖ қарори Украинага зудлик билан тахминан 2,7 миллиард доллар ажратиш имконини беради, дейилади фонд баёнотида.
Биринчи босқичда маблағлар Украинанинг фавқулодда эҳтиёжларига ва барқарорликни сақлашга, иккинчидан – таркибий ислоҳотлар ва Европа интеграциясини қўллаб-қувватлашга йўналтирилади.
Кредит дастури Украина учун 115 миллиард доллар миқдоридаги умумий қўллаб-қувватлаш пакетининг бир қисми сифатида тасдиқланган.
Reuters таъкидлаганидек, ХВЖ кредити Украина учун Россиянинг тўлиқ миқёсли босқинининг бошланишидан бери энг каттаси ва фонд фаол можарога аралашган мамлакат учун маъқуллаган биринчи йирик пакет эди.
Украина президенти Владимир Зеленский ХВЖга қарор учун миннатдорчилик билдирди.
«Бу Россия агрессиясига қарши курашимизда муҳим ёрдамдир. Биз биргаликда Украина иқтисодиётини қўллаб-қувватлаймиз. Биз эса ғалаба сари олға интиляпмиз», — деди у.
Украина Иқтисодиёт вазирлигининг март ойида тақдим этилган ҳисоб-китобларига кўра, Украина ялпи ички маҳсулоти 2022 йилда 29,2 фоизга камайди. Департаментнинг таъкидлашича, бу «объектив равишда мустақилликдан кейинги энг ёмон натижа, аммо тўлиқ миқёсли босқиннинг бошида кўпчилик мутахассислар кутганидан бироз яхшироқ».
Эслатиб ўтамиз, 2022-йилда Украина халқаро ҳамкорлардан 27 миллиард доллардан ортиқ молиявий ёрдам олди, деб таъкидлаган январ ойида Украина бош вазири Денис Шмихал.