Украина НАТО давлатлари билан ҳамкорликни кучайтиришни режалаштирмоқда

Украина иқтисодиёт вазири ўринбосари Шимолий Атлантика алянсининг шериклик ва ҳамкорлик хавфсизлиги бўйича йиғилишида иштирок этди.
Бу ҳақда Иқтисодиёт вазирлиги матбуот хизмати хабар берди.

Учрашувда агрессорнинг ракета зарбалари натижасида вайрон бўлган Украина муҳим инфратузилмасини тезкорлик билан тиклаш учун алянс кўрсатиши мумкин бўлган техник ёрдамга катта эътибор қаратилди.

Шунингдек, тадбирнинг асосий мавзулари урушдан кейинги мамлакат ва иқтисодиётни қайта қуриш бўлди.

«Биз ҳарбий-саноат комплекси, ҳарбий ва аэрокосмик технологиялар, military-tech ривожлантиришни иқтисодий ўсишнинг ҳаракатлантирувчи кучига айлантиришга қаратилган устувор йўналишлар қаторидан белгилаб олдик ва келажакдаги ўсиш учун, жумладан, ҳамкорлар билан ҳамкорликда бугун пойдевор қўйишимиз керак.

Учрашув натижаларига кўра, қайта тиклаш бўйича қўшма режаларни амалга ошириш бўйича мулоқотни кучайтириш ҳақида гапириш мумкин», — дея изоҳ берди Игор Фоменко.