Ватикан губернатори лавозимига тарихда биринчи марта аёл киши тайинланди

Рим папаси тарихда биринчи марта аёл кишини Ватикан губернатори бош котиби лавозимига тайинлади.

Ватиканнинг иккинчи энг муҳим бошқарув органига роҳиба Рафаелла Петрини бошчилик қилади, дея хабар беради Vatican News.

52 ёшли францискалик роҳиба Рафаелла Петрини Ватикан маъмурияти, жумладан, музейлар, почта бўлими, зарбхона ва полицияни назорат қилади.

Рим папаси Франциск аёлларнинг Рим-католик черковида муҳимроқ рол ўйнашини исташини билдирди.