Киевдаги матбуот анжуманида Жанубий Африка Республикаси президенти Украинадаги кенг кўламли урушни тугатишга қаратилган тинчлик режасининг ўнта асосий элементини тақдим этди.
Украина оммавий ахборот воситаларининг хабарига кўра, таклиф қилинган режа қуйидаги чораларни ўз ичига олади:
- Урушнинг тугаши ҳақида музокаралар олиб борилиши ва можаро дипломатия йўли билан ҳал қилиниши керак.
- Музокаралар имкон қадар тезроқ бошланиши керак.
- Иккала томон ҳам кескинликни камайтириши керак. Президент делегация ташрифи давомида Киевга қилинган ракета ҳужумларини мисол қилиб келтирди.
- Давлатлар ва халқлар БМТ Низомига мувофиқ суверенитет кафолатларига эга бўлиши керак.
- Можарода иштирок етаётган барча давлатлар учун хавфсизлик кафолатлари зарур.
- Ҳар икки томон озиқ-овқат хавфсизлигини таъминлаш учун ғалла ва ўғит етказиб беришни таъминлаши керак.
- Уруш қурбонлари гуманитар ёрдамга муҳтож.
- Асирларни алмашиш ва украиналик болаларни Россия назорати остидаги ҳудудлардан қайтариш масаласи ҳал этилиши керак.
- Украинанинг урушдан кейинги тикланишини таъминлаш керак.
- Можаро томонлари Африка давлатлари билан яқинроқ ҳамкорлик қилиши керак.
Таклиф этилган режага жавобан Украина президенти Владимир Зеленский «ҳақиқий тинчлик»га эришиш ва Россия қўшинларини Украина ҳудудидан олиб чиқиб кетиш зарурлигини таъкидлади.
Киевга ташрифидан сўнг Жанубий Африка Республикаси, Комор ороллари иттифоқи, Замбия, Сенегал, Миср, Уганда ва Конго вакилларидан иборат делегация Санкт-Петербургга йўл олди ва у ерда Россия президенти билан учрашиши кутилмоқда.